•       Идут годы, меняются времена, события, люди, но одно остается незыблемым и вечным  – Родина. Нам кажется, что мы знаем о нашей малой Родине все, или почти все. Но каждый раз, когда мы путешествуем, наблюдаем, читаем, исследуем и думаем о ней, мы открываем для себя что-то новое. И сегодня каждый из нас имеет возможность поделиться этим новым: новыми фактами, новыми стихами, новыми мыслями о своем крае, городе, селе и рассказать миру о своей малой Родине с большой душой…

Шыдлоўскі Часлаў Сцяпанавіч — выкладчык Пастаўскага дзяржаўнага прафесійна-тэхнічнага каледжа сельскагаспадарчай вытворчасці

Шыдлоўскі Часлаў Сцяпанавіч - выкладчык Пастаўскага дзяржаўнага прафесійна-тэхнічнага каледжа сельскагаспадарчай вытворчасці

Шыдлоўскі Часлаў Сцяпанавіч — выкладчык Пастаўскага дзяржаўнага прафесійна-тэхнічнага каледжа сельскагаспадарчай вытворчасці

      “Не думкам трэба вучыць, а вучыць думаць”— гэтыя словы Імануіла Канта могуць служыць дакладнай характарыстыкай стылю работы Часлава Сцяпана­віча Шыдлоўскага.

У Пастаўскае сельскае прафесійна-тэхнічнае вучылішча №2 (зараз — каледж) Часлаў Сцяпанавіч прыйшоў выкладчыкам пасля заканчэння Беларускага інстытута механізацыі сельскай гаспадаркі 1 жніўня 1968 года, і гэта працоўнае месца засталося для яго адзіным.

Прафесіяналізм, прынцыповасць, шчырасць, строгасць і справядлівасць — вось тыя якасці, за якія паважаюць Часлава Сцяпанавіча яго калегі, вучні і іх бацькі. За амаль 46 гадоў працы Ч. С. Шыдлоўскі выхаваў не адну плеяду маладых спецыялістаў для сельскай гаспадаркі Пастаўскага раёна. Выкладчык вышэйшай катэгорыі, ён і сёння прыклад для маладых педагогаў: даць параду ў падрыхтоўцы да лабараторна-практычных заняткаў, змайстраваць прыладу на рэспубліканскі конкурс тэх­нічнай творчасці, стварыць метадычны комплекс па прадмеце — заўжды і для ўсяго знаходзіць час.

Урокі Часлава Сцяпанавіча заўсёды адрозніваюцца інтэнсіўнасцю, лагічнай завершанасцю, разнастайнасцю форм і метадаў, высокім навукова-тэарэтычным узроўнем, атмасферай узаемасупрацоўніцтва настаўніка і навучэнцаў. Даць усім вучням глыбокія і трывалыя веды — асноўны дэвіз Часлава Сцяпанавіча. Ён тлумачыць складаныя пытанні проста і даступна.

Педагогу з такім узроўнем кваліфікацыі недастаткова паспяхова рэалізоўваць агульнапрафесійную праграму, яго веданне вучняў і прадмета дазваляе распра­цоў­ваць новыя дыдактычныя і метадычныя матэрыялы. Часлаў Сцяпанавіч творча развівае і ўдасканальвае традыцыйныя метады выкладання, дабіваецца добрых вынікаў навучання па выкладаемым прадмеце. Адказна ставіцца да сваіх абавязкаў, імкнецца да праяўлення метадычнага майстэрства ў сваёй дзейнасці, творча падыходзіць да вырашэння разнастайных педагагічных задач.

У 1979 годзе Часлаў Сцяпанавіч узнагароджаны знакам “Выдатнік прафесійна-тэхнічнай адукацыі СССР”. Яго неаднойчы адзначалі граматамі ўпраўлення адукацыі абласнога выканаўчага камітэта.

— Работа з моладдзю патрабуе ад педагога высокіх маральных якасцей, глыбокіх прафесійных ведаў і навыкаў, умення захапіць вучняў сваімі ідэямі, прывіць ім любоў да вучобы, — зазначае дырэктар каледжа М. М. Лысёнак. — Часлаў Сцяпанавіч Шыдлоўскі — прадстаўнік той цудоўнай савецкай школы настаўнікаў, якія добрасумленна, цярпліва, бескарысліва аддаюць сябе справе выхавання падрастаючага пакалення, маюць высокае пачуццё адказнасці за будучыню нашай краіны.

— Я працую разам з Чаславам Сцяпанавічам Шыдлоўскім з 1982 года, — заўважаенамеснік дырэктара па вучэбнай рабоце Н. А. Шылько. — Менавіта Часлаў Сцяпанавіч, працуючы на пасадзе намесніка дырэктара па вучэбна-вытворчай рабоце ў 80-ых гадах, накіроўваў у патрэбнае рэчышча метадычную работу і маю як маладога метадыста, і ўсяго калектыву СПТВ №2. А ў 90-ых зноў жа Часлаў Сцяпанавіч вучыў мяне, маладога намесніка дырэктара па вучэбнай рабоце, уменню карэктна накіроўваць дзейнасць сваіх калег, убачыць і падтрымаць творчыя іскрынкі, з якіх абавязкова разгарыцца яркае полымя. Цудоўны чалавек, педагог з вялікай літары, Часлаў Сцяпанавіч асабіста для мяне першы настаўнік у працоўным жыцці.

— Для мяне як маладога спецыяліста Часлаў Сцяпанавіч з’яўляецца ўзорам працавітасці, невычэрпнай крыніцы мудрасці, — прызнаецца выкладчык С. В. Шылёнак. — Да яго можна звярнуцца па любым пытанні і атрымаць аргументаваны адказ. Маючы багаты педагагічны вопыт, ён шчодра дзеліцца ім, па-бацькоўску накіроўваючы, дапамагаючы парадамі па падрыхтоўцы ўрокаў, распрацоўцы метадычных матэрыялаў, падрыхтоўцы да конкурсаў тэхнічнай творчасці.

Выкладчык Д. А. Мажэйка ведае юбіляра з самага дзяцінства, бо жылі ў адным доме:

— Памятаю, як мае бацькі заўсёды з павагай гаварылі пра яго як пра добрага, спагадлівага чалавека, клапатлівага сына, мужа, бацьку. У час вучобы ў ПТВ-165 я з вялікай цікавасцю і задавальненнем наведваў урокі чарчэння, якія вёў Часлаў Сцяпанавіч. Гэта таленавіты педагог, які выдатна ведае справу. Свае багатыя веды ён па-майстэрску ўмее перадаць вучням. Зараз мы — калегі, і я ў любы момант магу звярнуцца да Часлава Сцяпанавіча па параду, падзяліцца з ім сваімі поспехамі і праблемамі. Ён добразычлівы, чулы, валодае цудоўным пачуццём гумару, умее падтрымаць, падбадзёрыць.

Часлаў Сцяпанавіч стаў сапраўдным настаўнікам для ўсіх маладых выкладчыкаў і майстроў вытворчага навучання: свае веды, вопыт ён шчодра передае нам, моладзі, за што мы бязмежна яму ўдзячны, за што шчыра любім і паважаем гэтага сапраўднага Чалавека і Настаўніка.

Юбілей — асаблівы дзень нараджэння, асаблівае свята. Гэта не толькі падвядзенне вынікаў, але і пажаданні здзяйснення ўсіх планаў і задум. Ну а які ж юбілей без вершаў? Калегі паклапаціліся і пра гэта і прысвяцілі імянінніку наступныя радкі:

“Великий, щедрый дар — уметь учить,

 Учеников своих любить

 — Был свыше дан Вам,

 Верьте, не напрасно!

И колледж вновь и вновь

Готов Вам повторить:

 “Пусть будет всё у Вас

 Отрадно и прекрасно!”

По материалам газеты «Поставский край» . 

ссылка на страницу источника: http://www.postawy.by/2014/04/vykladchyk-u-yakoga-xochacca-vuchycca/

За скупой строкой на обелиске…

75 — летию Великой Победы посвящается. Сборник воспоминаний .

читать полностью дальше

нет комментариев
Ларыса Соўка (Кібалава)

Ларыса Уладзіміраўна Соўка — ўдзельніцы партызанскага атрада імя Чапаева брыгады імя Варашылава

     Сярод прадметаў, звязаных з падзеямі Вялікай Айчыннай вайны, у раённым краязнаўчым музеі захоўваецца сшытак з успамінамі ўдзельніцы партызанскага атрада імя Чапаева брыгады імя Варашылава Ларысы Уладзіміраўны Соўкі (у замустве — Кібалавай).

нет комментариев

Олег Володько

ЛЮДИ И СУДЬБЫ

Для просмотра кликаем  выбираем   и далее листаем читать полностью дальше

нет комментариев

Сяргей Уладзіміравіч Шчэрба – ганчар, прафесіянальны мастак

ЛЮДИ И СУДЬБЫ

Для просмотра кликаем выбираем  и далее листаем читать полностью дальше

нет комментариев

Седых Сергей Геннадьевич

      Человек, о котором хочу рассказать, хорошо известен в г. Поставы и далеко за его пределами. Это ветеран 32 ракетной дивизии, руководитель военно-спортивного … читать полностью дальше

нет комментариев

Если вы нашли ошибку, пожалуйста, выделите фрагмент текста и нажмите Ctrl+Enter.

Метки: . Закладка Постоянная ссылка.

Добавьте свой комментарий или поделитесь материалом