•       Идут годы, меняются времена, события, люди, но одно остается незыблемым и вечным  – Родина. Нам кажется, что мы знаем о нашей малой Родине все, или почти все. Но каждый раз, когда мы путешествуем, наблюдаем, читаем, исследуем и думаем о ней, мы открываем для себя что-то новое. И сегодня каждый из нас имеет возможность поделиться этим новым: новыми фактами, новыми стихами, новыми мыслями о своем крае, городе, селе и рассказать миру о своей малой Родине с большой душой…

В этом году отмечается 320 лет со дня рождения владелицы местечка Лучай Альжбеты Магдалены Пузыны (Огинской)

З роду Агінскіх. Сёлета адзначаецца 320 гадоў з дня нараджэння ўладальніцы мястэчка Лучай Альжбеты Магдалены Пузыны (Агінскай).

Упершыню Лучай узгадваецца ў 1542 го­дзе як маёнтак Ашмян­скага павета Віленскага ваяводства Вялікага Княства Літоўскага. У розныя часы ім валодалі Забярэзінскія, Юндзілы, Глябовічы, Шэметы, Рудаміны. З 1731-га ўладальнікамі сталі Агінскія.

Партрэт графіні Альжбеты Магдалены Пузыны (Агінскай). Віленскі мастак Ігнацы Эрнст Эгенфельдэр
Альжбета Магдалена Пузына (у дзявоцтве — Агінская) нарадзілася ў 1700 го­дзе. Як прадстаўніца аднаго са старажытных беларускіх магнацкіх родаў атрымала добрую адукацыю. Пабралася шлюбам з Антоніем Міхаілам Пузынам, харунжым надворным Літоўскім, кашталянам Мсціслаўскім. У іх нарадзіліся 3 дачкі.

У сваім маёнтку право­дзіла астранамічныя назіранні для вызначэння геаграфічнага становішча Лучая. А. Пузына заснавала астранамічную абсерваторыю пры Віленскай езуіцкай акадэміі, а потым падтрымлівала яе матэрыяльна. Для гэтага прадала свае маёнткі ў Сандамірскім ваяводстве. У 1755 годзе ахвяравала значныя сумы, а ў 1766-м уклала сродкі, працэнты з якіх у памеры 6 000 злотых штогод пералічваліся на патрэбы акадэміі.

У 1766 годзе Альжбета падарыла Лучай свайму роднаму брату Тадэвушу Агінскаму, ваяводу троцкаму. Вядома, што ў тым жа годзе яна заснавала ў Лучаі місію езуітаў, якой адпісала 160 000 польскіх злотых, і перадала манахам ордэна два пляцы для будаўніцтва дома і новага касцёла ў гонар Святога Тадэвуша Апостала. Жыццёвы шлях Альжбета Магдалена Пузына з Агінскіх закончыла ў 1767 г. у сваім лучайскім маёнтку. Пахаваная ў Вільні.

Новы касцёл быў узведзены ў 1776 годзе.

Валянціна Друсь, старшы навуковы супрацоўнік раённага краязнаўчага музея
12.04.2020 postawy
ист: https://www.postawy.by/2020/04/v-etom-godu-otmechaetsya-320-let-so-dnya-rozhdeniya-vladelicy-mestechka-luchaj-alzhbety-magdaleny-puzyny-oginskoj/

Если вы нашли ошибку, пожалуйста, выделите фрагмент текста и нажмите Ctrl+Enter.

Метки: , . Закладка Постоянная ссылка.

Добавьте свой комментарий или поделитесь материалом